ما هو الورم الليفي وما هي أنواعه وأسباب حدوثه؟

ما هو الورم الليفي وما هي أنواعه وأسباب حدوثه؟

• ما هو الورم الليفي / ما هي ألياف الرحم ؟

• ما هي أنواع و أماكن أورام الرحم الليفية أو ألياف الرحم ؟

• ما هي اسباب تليف الرحم / أسباب ألياف الرحم / أسباب الورم الليفي بالرحم / أسباب الليفة في الرحم / أسباب التليف الرحمي / أسباب تكون الألياف في الرحم؟

• هل يوجد وسيلة لمنع ظهور أو تجنب الإصابة بمرض الأورام الليفية أو ألياف الرحم؟

ما هو الورم الليفي / ما هي ألياف الرحم ؟

• لازم نكون عارفين إن كلمة ورم ليفي مش مقتصرة فقط على الأورام الليفية بالرحم , فالورم الليفي عبارة عن كتلة من الخلايا العضلية و الأنسجة الليفية و اللي ممكن نلاقيها في أي مكان في الجسم مش بس الرحم .
• هذا الورم ممكن يكون حميد أو خبيث ولكن الورم الحميد لا يتحول إلى ورم خبيث بمعنى إنه إما يكون حميد من البداية أو خبيث من البداية و دي أهمية إننا نعمل رنين معناطيسي للتشخيص في البداية.
• ولكن لما بنقول كلمة ورم ليفي بالرحم بنقصد النوع الحميد و بالتالي هو لا ينتشر خارج الرحم في أجزاء الجسم المختلفة.
• هل يتحول الورم الليفي في الرحم إلى سرطان ؟ الإجابة لأ لا يتحول الورم الليفي بالرحم إلى سرطان الرحم و رغم إن بعض الدراسات قالت إن دا نادر جدا و ممكن يحصل إلا إن دراسات أخرى أكدت إن لو الورم الليفي خبيث فهو خبيث من البداية و تم تشخيصه بصورة خاطئة إنه من النوع الحميد.
• إذن ما هي ألياف الرحم ؟ هو نوع من الأورام الليفية ينشأ من الخلايا العضلية المكونة لجدار الرحم و علشان كده تتواجد فقط في جدار الرحم.
• الأورام الليفية في الرحم معروفة بأسماء كثيرة فممكن تسمعي عن ألياف الرحم أو تليف الرحم أو ليفة الرحم أو لوفة الرحم أو الورم الحميد بالرحم أو عقد الرحم أو العقدة الليفية في الرحم أو فيبروم الرحم أو uterine fibroids أو Myoma .
• الخلايا العضلية المكونة لجدار الرحم هي نفسها الخلايا التي تكون ورم الرحم الليفي و لكن اللي بيحصل إن مجموعة من الخلايا دي بتنمو بصورة سريعة و بتتحوط بطبقة من الألياف أو الأنسجة الليفية و علشان كده بنسميها أورام ليفية أو ألياف الرحم و دائما بتاخد شكل كروي .
• المشكلة إن أورام الرحم الليفية بتحتاج كميات كبيرة من الدم علشان يوصلها الأكسجين و الغذاء اللي بتحتاجهم لتستمر في التواجد و النمو , علشان كده بنلاقي حول الورم الليفي شبكة مهولة و ضخمة من الشرايين و كلها طالعة من شريان الرحم الرئيسي في معظم الأحيان. و دا بيخللي الأورام الليفية حساسة جدا لانقطاع الإمداد الدموي و الغذاء. و أيضا حجم الشرايين المغذية للورم الليفي بيبقى أكبر من حجم شرايين الرحم الطبيعية و هذه الحقائق هي التي تجعل علاج أورام الرحم الليفية بالقسطرة أو ما يسمى قسطرة الرحم أو قسطرة الأورام الليفية فعال وناجح جدا.

ما هي أنواع و أماكن أورام الرحم الليفية أو ألياف الرحم ؟

• ألياف الرحم أو الأورام الليفية بتنقسم لعدة أنواع على حسب مكانها أو موقع نموها داخل جدار الرحم أو خارج جدار الرحم و على حسب مكانها بتختلف الأعراض المرضية اللي بتحس بها المريضة .
• أماكن أو أنواع أورام الرحم الليفية هي
  • ورم ليفي على جدار الرحم الخارجي (الورم الليفي خارج جدار الرحم) أو تليف خارج الرحم: وهذا النوع ينمو بتجويف البطن و ممكن تلاقي الورم الليفي متدلي مثل الثمرة خارج جدار الرحم.
  • ورم ليفي في تجويف الرحم : و هذا النوع بيكون تحت بطانة الرحم أو داخل تجويف الرحم و ممكن يتدلى مثل الثمرة داخل تجويف الرحم.
  • ورم ليفي في جدار الرحم (تليف جدار الرحم) : و هذا النوع بيكون داخل جدار الرحم.
• الرحم ممكن يحتوي على نوع واحد أو على أكثر من نوع في داخل رحم واحد و الموضع ممكن يصل إلى إن الرحم يبقى مليان أورام ليفية و دا اللي بنسميه تليف الرحم بالكامل.

ما هي اسباب تليف الرحم / أسباب ألياف الرحم / أسباب الورم الليفي بالرحم / أسباب الليفة في الرحم / أسباب التليف الرحمي / أسباب تكون الألياف في الرحم؟

مفيش سبب محدد و معروف حتى الآن لظهور أوتكون الأورام الليفية في الرحم  و لكن هناك بعض النظريات أو العوامل المساعدة اللي بتزود فرصة حدوث الأورام الليفية مثل :

• الهرمونات: الدراسات أثبتت أن خلايا الورم الليفي في الرحم بتكون عندها حساسية عالية لهرمون الإستروجين (دا هو هرمون الأنوثة(. و علشان كده السيدات اللي بتتعرض لكميات أكبر من الإستروجين بتكون عرضه أكثر لتكون ألياف الرحم زي اللي بيحصل أثناء تناول حبوب منع الحمل و علشان كده الأورام الليفية بتظهر بعد سن البلوغ و تقل في الحجم أوتختفي بعد انقطاع الدورة الشهرية (الطمث).
• الحمل: نظرا لأن الحمل بيكون فيه كميات كبيرة من الإستروجين و البروجيستيرون في دم الأنثى فهناك دراسات وجدت أن الأورام الليفية بيتضاعف حجمها أثناء الحمل و دراسات أخرى و جدت إن حجمها بيتقلص و الأسباب الحقيقية غير معروفة حتى الآن.
• تأخر سن الزواج والإنجاب
• العامل الوراثى: خصوصا لو كان أحد أقارب الدرجة الأولى مثل الجدة أو الأم مصاب.
• السمنة أو زيادة الوزن: تعتبر من أضعف النظريات في أسباب ألياف الرحم .

هل يوجد وسيلة لمنع ظهور أو تجنب الإصابة بمرض الأورام الليفية أو ألياف الرحم؟

بما أنه لا يوجد سبب محدد لتليف الرحم و ظهور الأورام الليفية فلا يوجد وسيلة للوقاية منها أو لمنع ظهور الفيبروم رغم إن بعض الدراسات قالت إن فيتامين دال (vitamin D)  بيقلل فرص الإصابة و لكن هذا غير مؤكد حتى الآن.

التعليقات

التعليقات

مقالات ذات صلة

ما هي أورام العظام الحميدة وما هي أعراضها ما هو سرطان الكبد وما هي أنواعه ما هو الكبد وما هي وظيفته في الجسم ما هي البروستاتا وما هي وظيفتها الطبيعية ما هي طرق علاج دوالي الرحم واحتقان الحوض وما هو دور القسطرة ما هي دوالي الرحم وما هو احتقان الحوض ما هي دوالي الساقين وأسباب حدوثها ما هي دوالي الخصية وأسباب حدوثها كيف يتم تشخيص الورم الليفي في الرحم ما هي أعراض أورام الرحم الليفية