دوالي الساقين أو مرض الدوالي

دوالي الساقين مشكلة منتشرة جدا بين الرجال والنساء حيث أن أكثر من 50% من الناس مصابين بدرجة من درجات مرض الدوالي. و بسبب انتشارة و تعدد طرق العلاج يوجد العديد من الشائعات عن الوسائل الغير طبية لعلاج دوالي الساقين و حتى عن الوسائل الحديثة للعلاج مثل ليزر دوالي الساقين و الحقن الرغوي لدوالي الساقين واللي بنسميهم علاج دوالي الساقين بدون جراحة.

أغلب الحالات بتعاني من درجة بسيطة من درجات دوالي الساقين و خصوصا السيدات و اللي بتكون مشكلتهم الرئيسية وجود شعيرات أو أوعية دموية أو أوردة زرقاء و حمراء متفرعة في منطقة الساقين و بتكون الشكوى غالبا هي الشكل الغير مريح للساقين و اللي بيمنعهم من ارتداء الملابس القصيرة و بتبدأ رحلتهم في البحث عن وسيلة للتخلص من هذه الشعيرات العنكبوتية المتفرعة ما بين الدهانات و المراهم و الوصفات الطبيعية و قرص النحل و لما يفشلوا في التخلص من الدوالي يبدأوا رحلتهم مع عيادات التجميل و الليزر السطحي و يبدأوا يسمعوا عن عمليات الحقن الرغوي وبيكون هدفهم طول الوقت علاج الدوالي بدون جراحة.

دايما بتكون المشكلة هي كثرة الشائعات عن دوالي الساقين و إن ملهاش علاج و إن أي وسيلة علاج مش هتحل المشكلة وإنها هترجع تاني و دا بيخليهم ييأسوا لحد ما المشكلة تصل لمرحلة متطورة و يبدأوا الشعور بآلام الساقين و اللي بتعوقهم عن آداء مهام حياتهم اليومية و هنا بيستسلموا لأول وسيلة علاج تتاح ليهم حتى لو ضارة و غير صحيحة.

عدد كبير يفوق 10% من المصابين بمرض دوالي الساقين يعانون من درجة متقدمة من القصور الوريدي و في هذه الحالة الدوالي قد تكون مصحوبة بجروح مفتوحة أو ما يسمى القرحة الوريدية و هؤلاء يعانون من عجز وظيفي كبير في النظام الوريدي للساقين … لكن برضه يوجد هنا دور لـ علاج دوالي الساقين بدون جراحة.

هدفنا في هذا القسم من الموقع الرسمي للدكتور أحمد الطاهر خبير الأشعة التداخلية و القسطرة توضيح كل جوانب مرض دوالي الساقين يعني ايه المقصود بدوالي الساقين و طرق تشخيصها و أنواعها و طرق علاج الدوالي للساقين المختلفة وخصوصا علاج دوالي الساقين بدون جراحة و نتائجها علشان محدش يقع ضحية للمستغلين و يبقى فاهم كويس كل ما يتعلق بمشكلة الدوالي.

و أيضا لازم نركز كويس جدا على نقطة غاية في الأهمية و هي إن أي طبيب يقولك طريقة علاجك كذا أو كذا من غير إجراء فحص شامل و مفصل لأوردة رجلك قد جانبه التوفيق لأن مفيش إنسان زي التاني في التركيب التشريحي لأوردة الساقين و دايما بنشبه أوردة الساقين بالخريطة أو بالبصمة , لازم يتم رسم خريطة الأوردة أو خريطة الدوالي لرجلك بصورة مفصلة قبل بدء علاج أي درجة من درجات الدوالي حتى يتم وضع خطة العلاج المناسبة لك بصورة صحيحة و دا دور أشعة الدوبلر الملون أو الموجات الصوتية على أوردة الساقين و هي مهمة جدا في علاج الدوالي للساقين بدون جراحة.

و أخيرا طرق العلاج كتير و متعددة ما بين طرق علاج دوالي الساقين بدون جراحة مثل الأدوية و شراب الدوالي (جورب الدوالي) و الليزر السطحي و الحقن الرغوي للدوالي السطحية و الحقن الصمغي لدوالي الساقين و قسطرة ليزر دوالي الساقين و قسطرة الترد الحراري و قسطرة الحقن أو الفليبوجريف و طرق العلاج عن طريق الجراحة … و دايما دكتور أحمد الطاهر بيقول مفيش وسيلة أحسن من التانية و كل حالة لازم يتم تقييمها على حدا لاختيار أحسن وسيلة للعلاج.